نائلة الإمام
نحن ضد المناطقية ونستنكر هذه المناكفات بين البعض حول من بدأ الثورة أولا.. ونندد بمن يستهين بمن عايشناهم منذ أن كانت الثورة شعارا على الجدران إلى أن حررت ثلاثة أرباع سوريا رأينا بأم أعيننا شبابا تتساقط بالرصاص الحي والقذائق الصاروخية وهي تهتف إيه ويلا ومابنركع إلا ل الله لن ننسى من تسلقوا الأصنام وحطموها بأقدامهم وأزاميلهم لن ننسى الملايين التي خرجت في حماة لن ننسى ادلب وحمص ودرعا ,وداريا ودوما ومن قُصفوا بالكيماوي والبراميل وجرب مجرم الحرب في لحمهم 400 سلاح بنجاح ومن تساقطوا في حفرة التضامن ونصف مليون من المتظاهرين الذي قضوا في زنزانات العصابة بالتعذيب حتى الموت ودفن بعضهم أحياء ..
.لم يقصر ثوارنا في جميع المناطق في مجابهة نظام العصابة المجرم الذي أوشك على السقوط على الرغم من مئة ميليشيا ..ونعرف جميعا من سخر مجرم الحرب لنجدته فدمر البشر والشجر والحجر ولم يفلح الغرب حتى اليوم بكل قواه في قطع دابره
وهذه مقاطع من قصيدة بالعامي لدرعا كتبتها يوم أخذنا بصمودها وبطولة أحرارها
درعا
قالولي مثلا مثل (ها نوي )
قلتلهم : لأ هادي أكبر
قالولي (ستالين غراد )؟!
قلتلهم : قدَّاما بتصغرْ
صدِّتْ هالنازي السفاحْ
بجرحا العاري بدون سلاحْ
وهاذا وحدو بكفِّيها ..
***
وصفوها وقالوا أبيّه
قلتلهم هاتوا غيرا
قالولي هدتنا هديّه
قلتلهم كثِّر خيرا
قالولي درعا الحريه ؟
قلتلهم هيّه بذاتا
مو غيرا
***
سألوني وينو التاريخ ؟!
قلتلهم بحاراتا
عم بيدوِّنْ بدمَّاتا
هونْ بالجامعْ العمري
عم يتمرَّى بآياتا
***
خجلانْ بحالو من رجالا
من أصابعْ أطفالا
خطُّوا على دفتر حيطانا
نعوة جلاَّدا وسجَّانا
شو ذنبا درعا اذا هنن
شافوا فالنْ من أطفالا ؟!
***
هاذا التاريخْ ومين قدّو ؟!…
مين قادرْ بالكذبة يردّو ؟!.
يسبحْ ضدْ موجا وتيَّارا ..
حلفتلي بألله أسفارو ..
آياتو ودررو وثوّارو …
ما شافتْ مثلكْ بخيالا
شاهدْ عم يسمعْ مواويلكْ …
شاخصْ يتأمَّل أصنامكْ .
مذهولهْ تهز وتترّنحْ ..
تهوي على جَمرةْ نيرانكْ
على عزمكْ وضربةْ أزاميلكْ.
.
*****
قالتها درعا ع المكشرف
بعد اليوم مافي خوف
مافي واحد للأبدْ
مافي سيّدْ للبلدْ
كلنا برتبة خدّامو
ويلِّ بقلنا بعد اليوم
سوريا من بيت فلانْ
ملكو الشخصي لعلانْ
بدنا نقصلّو لسانو
هذا زمانْ الأحرارْ
هاذا زمانْ الثوارْ
ينقلعْ يرجعْ لزمانو
بالفرعْ تحت البسطارْ
راكعْ يعبدْ أصنامو
