نائلة الامام
من وحي ما قالته جارتي الدرعاوية وابنها وأحفادها في المخيم
سبحان الله
…..
في ثلجْ للفرفشة واللِعِبْ
وفي ثلج للسكته بالقلبْ
في ثلج فجأة بيهجم على بيتكْ
لاعندكْ باب تردّو
ولا شبّاك ل تصدّو
يلّي وصّلنا لهونْ
الله إلاهي يهدّو
……….
عمْ نُرجفْ تحت الخيمه
والغيمة بضهر الغيمه
فرحانه كثير هالأمه
الله يديم عليها الخير
والبركه بأحلى لمّه
………….
بيتك بلا سقفْ وبلا بوابْ
كذابْْ ابن ستين كذابْ
من كل دين وكل ملّه
الله يبعتلو علّه
يلي بقلك قلبو عليك ْ
من هالنشامى ال ع ربْ
دفيان ومو سائل عنكْ
وبثلجكْ غايصْ للركبْ
التعليقات
